الكمية تكفي: 10 أشخاصوقت التحضير: 15 دقيقةوقت الطهي: 60 دقيقة المقادير: كيلو دقيق
3 لتر ماء قابل للزيادة والنقص على حسب الدقيق
قطعة خميرة بيرة
2ملعقة سكر
ردة للفردالتحضير: هندوب الخميرة بالسكر والماء الدافئ
وهنسيبها تتخمر وتتفاعل قبل ما نعجن بيها
هنعجن بقى
ونضيف الماء بالطلب
نسيبها تخمر ونقطعها اقراص ونسيبها ترتاح
ونفردها على الردة بسمك 1/2 سم
الطبخ: السوا بقى طبعا معنديش فرن جبت صينية وقلبتها على النار وحطيت العيش ولما نفخ شوية حطيتة تحت الشواية
متخافيش الصينية لو اتحرقت شوية كدة بالسلك بترجع تانى زى الاول وكمان حطى ع البوتاجاز ماية عشان ميتلسعش من سخونية الصينية لانك هتبقى قلباها على البوتاجاز وهتسخنة اوى
ملاحظات: ملحوظة
لما تقرصية حطية على قطعة قماش قطن عشان ميلزقش فيها وطبعا مرشوشة رشة ردة
وبردة عند الفرد يفرد على ردو
وشيلية حطية على قماشة قطن يرتاح ويخمر تانى ربع ساعة على الاقل عشان يتنفخ
وغطية بقماشة خفيفة عشان وشة مياشفش ويتشقق[center]
الأربعاء مايو 11, 2011 7:54 pm